កម្លាំងនគរបាលព្រហ្មទណ្ឌកម្រិតស្រាលឃាត់ខ្លួនមុខសញ្ញាឆក់ ២នាក់
20-November-2017 | ដោយ ពលមនសិការ
ភ្នំពេញ ៖ កាលពីថ្ងៃទី១៧ ខែវិច្ឆិកា ឆ្នាំ២០១៧ វេលាម៉ោង១៦និង៣០នាទ កម្លាំងនគរបាលព្រហ្មកម្រិតស្រាល បានស្រាវជ្រាវឃាត់ខ្លួនសង្ស័យ ២នាក់ នៅចំណុច មុខក្រុមហ៊ុងហុងដា ផ្លូវ៣៥៥ សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ និងចាប់យកវត្ថុតាងជាមធ្យោបាយធ្វើសកម្មភាព ដែលកន្លងមកបានធ្វើសកម្មភាពឆក់ទ្រព្យសម្បត្តិរបស់ប្រជាពលរដ្ឋក្នុងរាជធានីភ្នំពេញចំនួន ០៥ ករណី។
លោកវរសេនីយ៍ឯក ប៊ុន សត្យា ប្រធានការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញ បានឲ្យដឹងថាជនសង្ស័យធ្លាប់ធ្វើសកម្មភាពឆក់កាបូបប្រជាពលរដ្ឋតាមដងផ្លូវសារធារណៈចំនួន ៥លើករួមមានទី១-កាលពីថ្ងៃទី ១១ ខែតុលា ឆ្នាំ២០១៧ វេលាម៉ោងប្រហែល ០៦និង៣០នាទី ឆក់កាបូបស្ពាយ ពណ៌ត្នោត នៅចំណុចខាងកើតអង់តែនទូរទស្សន៍ទួលគោក ចម្ងាយ២០០ម៉ែត្រ ផ្លូវ២៧៣ សង្កាត់បឹងកក់១ ខណ្ឌទួលគោក រាជធានីភ្នំពេញ ។ ជនរងគ្រោះ ឈ្មោះ អឿន សុវណ្ណបញ្ញា ភេទ ស្រី អាយុ ២២ ឆ្នាំ ជនជាតិ ខ្មែរ មុខរបរ បុគ្គលិកសណ្ឋាគារ។ ស្នាក់នៅផ្ទះលេខ២៩ ផ្លូវ២១៨ ក្រុម១០ សង្កាត់ ឃ្មួញ ខណ្ឌសែនសុខ រាជធានីភ្នំពេញ។ សម្ភារៈបាត់បង់ៈ កាបូបស្ពាយពណ៌ត្នោត១, អត្តសញ្ញាណបណ្ណសញ្ជាតិខ្មែរមួយសន្លឹក, ទូរស័ព្ទដៃម៉ាកអាយហ្វូន ៦Plus ពណ៌មាស ស៊ីមកាតលេខ០១៥៩៦០៩០៨, កាត ATM ធនាគារមេប៊ែង មួយសន្លឹក ,ប្រាក់ដុល្លារ ១៥ ដុល្លារអាមេរិក ។
លើកទី២- នៅថ្ងៃទី ១៥ ខែតុលា ឆ្នាំ២០១៧ វេលាម៉ោងប្រហែល ១៩និង៣០នាទី ក្រុមជនសង្ស័យបានធ្វើសកម្មភាពឆក់កាបូបស្ពាយ ពីស្ត្រីរងគ្រោះ នៅចំណុចខាងមុខសណ្ឋាគារភ្នំពេញ ផ្លូវ ព្រះមុន្នីវង្ស សង្កាត់ ស្រះចក ខណ្ឌ ដូនពេញ រាជធានីភ្នំពេញ។
លើកទី៣-នៅថ្ងៃទី២៦ ខែតុលា ឆ្នាំ២០១៧ វេលាម៉ោងប្រហែល១៣និង៣០នាទី ពួកខ្លួនធ្វើសកម្មភាពឆក់កាបូបស្ពាយ ពីស្ត្រីរងគ្រោះ នៅចំណុចមុខសកលវិទ្យាល័យភូមិន្ទភ្នំពេញ ផ្លូវសហព័ន្ធរុស្សី សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។
លើកទី៤- កាលពីថ្ងៃទី០៦ ខែវិច្ឆិកា ឆ្នាំ២០១៧ វេលាម៉ោងប្រហែល ០៨និង៣០នាទី ក្រុមជនសង្ស័យបានធ្វើសកម្មភាពឆក់កាបូបយួរដៃ ពីស្រី្តម្នាក់ នៅចំណុចមុខសាលាតិចណូ ផ្លូវសហព័ន្ធរុស្សី សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។
និងលើកទី៥-កាលថ្ងៃទី០៦ ខែវិច្ឆិកា ឆ្នាំ២០១៧ វេលាម៉ោងប្រហែល ១៨និង៣០នាទី ក្រុមជនសង្ស័យធ្វើសកម្មភាពឆក់កាបូបស្ពាយ ពណ៌ខ្មៅ ពីប្រុសម្នាក់ នៅចំណុចមុខមន្ទីរពេទ្យកាល់ម៉ែត្រ ផ្លូវព្រះមុន្នីវង្ស សង្កាត់ស្រះចក ខណ្ឌដូនពេញ រាជធានីភ្នំពេញ។
លោកប្រធានការិយាល័យបានបន្តថា ជនសង្ស័យទី១-ឈ្មោះ ទូច ភិធី ភេទប្រុស អាយុ ១៦ ឆ្នាំ ជនជាតិ ខ្មែរ មុខរបរ សិស្ស ស្នាក់នៅផ្ទះលេខ៨ ផ្លូវលំ សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ ទី២-ឈ្មោះ វី ណៃរក្សា ហៅ ណៃ ភេទប្រុស អាយុ ១៦ ឆ្នាំ ជនជាតិខ្មែរ មុខរបរ សិស្ស ស្នាក់នៅផ្ទះលេខ ១១ ផ្លូវ២០៣ សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ។
វត្ថុតាងចាប់យកជាមធ្យោបាយធ្វើសកម្មភាព ម៉ូតូម៉ាកហុងដា សេ១២៥ ពណ៌ខ្មៅ សេរីឆ្នាំ ២០១៧ លេខតួ-លេខម៉ាស៊ីន៩៨៣៣៣២១ ពាក់ស្លាកលេខ ភ្នំពេញ១GM-២២៧៤ ។
បច្ចុប្បន្នជនសង្ស័យទាំង ពីរនាក់ខាងលើ ការិយាល័យបានបញ្ជូន ទៅសាលាដំបូងរាជធានីភ្នំពេញ ចាត់ការតាមនិតិវិធី ៕
ចំនួនអ្នកទស្សនា
- ថ្ងៃនេះ2621
- ម្សិលមិញ10851
- សប្តាហ៍នេះ69141
- ខែនេះ184291
- ឆ្នាំនេះ184291
- សរុប20626747